Жаңалықтар

2018 жылғы 21 қараша күні облыс әкімдігінің тілдерді дамыту басқармасының «Тілдерді оқыту орталығы» ұйымдастыруымен Т.Рысқұлов ауданы, Көгершін ауылында Ақтоған орта мектебінің мұғалімдеріне латыннегізді қазақ әліпбиін түсіндіру жұмысы жүргізілді. 
Шараның мақсаты – ҚР Президенті Н.Ә.Назарбаевтың 
19 ақпандағы № 637 Жарлығында бекітілген латын графикасындағы қазақ тілі әліпбиіне көшу кезеңдерінде жүргізіліп жатқан жұмыстармен таныстыру және әліпбиге қатысты көпшілік көкейінде жүрген мәселелер бойынша ақпарат беру.
Шара барысында тыңдаушылар практикалық тұрғыдан жаңа емледегі жаңалықтарға сәйкес, берілген сөздерді жазып дағдыланды. Іс-шара «Латын әліпбиі тілімізге серпін береді» тақырыбында латын графикасында диктант жазумен қорытындыланды.

2018 жылғы 18 қазан күні облыс әкімдігінің тілдерді дамыту басқармасының  «Тілдерді оқыту орталығы» Меркі аудандық бөлімшесінің ұйымдастыруымен студенттерден құралаған ағылшын тілі курсының тыңдаушыларының қатысуымен «The leader of the ХХІ Century» тақырыбында интеллектуалды ойын өткізді.

Интеллектуалды ойын барысында тыңдаушылар өздерін үш тілде (қазақ, орыс, ағылшын) таныстырып, жұмбақтар шешіп, шешуін үш тілде айтты. Мақал-мәтелдерді жалғастырып, берілген суреттердегі бейнені тауып, оны ыммен түсіндіріп, үш тілде өздерінің жақсы меңгергендіктерін көрсетті.

ҚазТЕСТ Меркі ауданында өтті.

«АНА ТІЛІМ – АСЫЛЫМ»
АУДАНДЫҚ ФЕСТИВАЛЬ Меркі ауданы әкімдігінің мәдениет және тілдерді дамыту бөлімі және «Тілдерді оқыту орталығы» Меркі аудандық бөлімшесі бірлесе отырып, Қазақстан халқы тілдері күніне орай өзге ұлт өкілдері арасында «Ана тілім – асылым» атты фестиваль өтті.
Тіл мәртебесін көтеру мақсатында ұйымдастырылған шараға «Балдәурен» балабақшасының орыс тілі мұғалімі, түрік ұлтының өкілі Светлана Мухлис, №9 Меркі колледжінің білімгері, қарашай ұлтының өкілі Жанна Батчаева №44 жалпы білім беретін орта мектептің оқушылары, түрік ұлтының өкілдері Дилек Баламамедова, Нармина Агезова, Нияз Амрахов қатысты.
Фестиваль ережесіне сәйкес, қатысушылар үш кезең бойынша өнер көрсетіп, өздерін мемлекеттік тілде таныстырып, өз ана тілдерінде тіл, Отан, туған жер тақырыптарында ақын-жазушылардың шығармаларын оқыды.
Шара соңында қатысушыларға Алғыс хаттар мен бағалы сыйлықтар тапсырылды.
  

«THE BEST LISTENER» АТТЫ БАЙҚАУ

Т.Рысқұлов ауданында «Тілдерді оқыту орталығы» Меркі аудандық бөлімшесі 5 қыркүйек – Қазақстан халқы тілдері күніне орай «The best listener» атты байқау ұйымдастырды.

Байқауға «Құлан таңы» аудандық газетінің тілшісі Мөлдір Тастанбек, Құлан ауылшаруашылық колледжінің 2 курс студенті Алина Жолшыбек, Ш.Уәлиханов орта мектебінің математика пәнінің мұғалімі Лаура Өскенбаева, аудандық кітапхана қызметкері Гүлзат Жаманбаева, Жастар ресурстық орталығының инспекторы Сымбат Тастанбек, Ш.Уәлиханов мектебінің тәлімгері Бекзат Сахидавлетова қатысты.

Қатысушылар 6 кезең бойынша, атап айтқанда Таныстыру, Полиглот, Аударма жұмысы, Жалғасын табу, Кім көп құрайды? кезеңдері бойынша сынға түсті.

Қазылар алқасының шешіміне сәйкес І орынды М.Тастанбек, ІІ орынды А.Жолшыбек, ІІІ орынды Л.Өскенбаева иеленді.

Жеңімпаздар мен қатысушылар дипломдармен, бағалы және ынталандыру сыйлықтарымен марапатталды.    

Дүй Сей Сәр Бей Жұм Сен Жек
 12
3456789
10111213141516
17181920212223
24252627282930
31