Жаңалықтар

Жамбыл облысы әкімдігінің тілдерді дамыту басқармасы «Тілдерді оқыту орталығы» Жамбыл аудандық бөлімшесінің ұйымдастыруымен Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасын іске асыру, тілдік кеңістіктегі үштілділік тәжірибе мен тілдік орта қалыптастыру мақсатында 2018 жылғы 19 қараша күні Қазақстан Республикасы Денсаулық Сақтау Министірлігі Қоғамдық Денсаулық Сақтау Комитеті «Жамбыл обаға қарсы күрес станциясы» РММ мекемесінде «Уақыт талабы – ағылшын тілін үйрену» тақырыбында «Тілдік алаң» өтті.
Ұйымдастырылған іс-шара барысында қатысушылар топ-топқа бөлініп, қазақ, орыс, ағылшын тілдерінде еркін сөйлесіп, әртүрлі тақырыпта пікір алмасты. Тақырып аясында бейнекөрініс көрсетіліп, монологтық, диологтық сөзбен жұмыс істеуіне көмектесе отырып, тартысты пікір-талас арқылы тілдік орта қалыптастырылды. Аталған іс-шараға 37 қызметкер қатысып, тіл білудің артықшылықтары мен мүмкіншіліктері туралы пікір бөлісіп, өз ойларын ортаға салды. Тілдік алаңға қатысушылар өздерінің қызығушылығын білдіре отырып, ағылшын тілінде алған білімдерін, дағдыларын нақты жағдайда қолдана біліп, логикалық ойлауды дамытып, топпен жұмыс істеу арқылы, қарым-қатынас мәдениетін қалыптастырды.

«БІЛЕКТІ БІРДІ ЖЫҒАР, БІЛІМДІ МЫҢДЫ ЖЫҒАР»
ИНТЕЛЛЕКТУАЛДЫ ОЙЫНЫ ӨТТІ

«Тілдерді оқыту орталығы» Жамбыл аудандық бөлімшесінің ұйымдастыруымен Қазақстан халқы тілдері күніне орай мемлекеттік қызмет көрсететін ұйым қызметкерлері арасында үш тілді жетік меңгерген «Білекті бірді жығар, білімді мыңды жығар» атты интеллектуалды ойын жарысы өз мәресіне жетті. 

Аталған байқау жыл сайын қазақ, орыс және ағылшын тілдерін жетік меңгерген ересек азаматтарға қолдау көрсету, және үштілділікті насихаттау мақсатында ұйымдастырылып келеді. 
Жарыстың бірінші кезеңінде қатысушылар өздерін үш тілде таныстырса, екінші кезеңде Жамбыл ауданының тарихы мен тұлғалары, жері және оның аймақтары жөніндегі сұрақтарға мемлекеттік тілде жауап берді. Ал, үшінші кезеңде ағылшын және орыс тілдерінде көркем шығармалардан үзінді немесе өлең жолдарын оқу бойынша бақ сынасты. 
Байқау нәтижесі бойынша Жамбыл Обаға қарсы күрес станциясының зертханашысы Дамира Шоншабаева жеңіске жетті. «Балапан» балабақшасының тәрбиешісі Еңлік Сүлейменова екінші орын иеленсе, Жамбыл Обаға қарсы күрес станциясының есепшісі Кәмшат Сұлтан үшінші орынға лайықты деп танылды. Барлық жүлдегерлер сыйлықтармен, дипломдармен және алғыс хаттармен марапатталды. Барлығы 11 үміткер қатысты.

Жамбыл облысы тілдерді дамыту басқармасы «Тілдерді оқыту орталығының» Жамбыл аудандық бөлімшесінің ұйымдастыруымен Жамбыл ауданы бойынша Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасын іске асыру, тілдік кеңістіктегі үштілділік тәжірибе мен тілдік ортаны қалыптастыру мақсатында 2018 жылдың 16 қазанында ағылшын тілінде Жамбыл ауданы «Жастар ресурсық орталығында» «Үштілділік – заман талабы» тақырыбында “Тілдік алаң» өткізілді.

«Ұлттарды біріктірген – ұлы тіл!» тақырыбында тілдер апталығы өткізілді 
Қазіргі таңда еліміз өз тәуелсіздігіне қол жеткізгеннен кейін мемлекеттік тіліміз – қазақ тілі болып бекітілгені анық. Болашағымызды баянды етер басты қаруымыз – тіліміз. 
«Адамға екі нәрсе тірек тегі, Бірі – тіл, бірі – ділің жүректегі»,- деп Жүсіп Баласағұн бабамыз айтқандай, кез келген мемлекеттің, елдің ең негізгі рәмізі де, ұраны да, тірегі де сол елдің ана тілі болмақ. Біздің Отанымыз байтақ та бай ел. Елімізде көптеген ұлт өкілдері тұрады. Әр халықтың өз ана тілі бар. Ана тілі адам баласының бойына ана сүтімен кіріп, бойға тарайды. Ана сүтімен бойымызға дарыған қазақ тілінің құдіреттілігі, көркемдігі өрлігінде, орасан зор байлығында. «Тілдерді оқыту орталығы» Жуалы аудандық бөлімшесі 2018 жылдың 10-17 қыркүйек аралығында тілдер апталығын өткізілді.

«МЕМЛЕКЕТТІК ТІЛ – ОРТАҚ ҚАЗЫНА» АТТЫ «ДӨҢГЕЛЕК ҮСТЕЛ» ОТЫРЫСЫ

Қазақстан халқы тілдерінің күні мерекесіне орай «Тілдерді оқыту орталығы» Жамбыл аудандық бөлімшесінің ұйымдастыруымен «Мемлекеттік тіл – ортақ қазына» атты дөңгелек үстел отырысы өтті.
Жиынның мақсаты – тілдің мәртебесі мен маңызын кеңінен насихаттау, қоғамға мемлекеттік тілдің міндеті мен мәнін көрсету.
Шараны Жамбыл аудандық бөлімшесінің меңгерушісі Рабиға Әшірова ашып, дөңгелек үстелдің маңыздылығына кеңінен тоқталды. Одан әрі В.Чкалов орта мектебінің дене шынықтыру пәнінің мұғалімі «Мемлекеттік тіл – менің тілім» тақырыбында баяндама, математика пәнінің мұғалімі Замира Шамшиева тіл туралы айтылған ғұлама ойшылдардың ой пікірлерін ортаға салды. Сондай-ақ, бастауыш сынып мұғалімі Асия Ибрагимова «Ана тілі», мектеп кітапханашысы Мүбарак Арипова «Туған тілім», дене шынықтыру пәнінің мұғалімі Дарина Құрбанова «Қазақ тілі» тақырыптарында ақын жазушылардың өлеңдерін оқып, көпшілік назарына ұсынды.
Дөңгелек үстелге аудандық мекемелердегі тіл мамандары, тіл жанашырлары, бөлімше оқытушылары, тіл үйренушілер қатысып, өз ойларын ортаға салды.
Аудандық бөлімше меңгерушісі шара соңында Қазақстан халқы тілдерінің күні мерекесіне орай мемлекеттік тіл саясатын насихаттауға атсалысып жүрген бірқатар азаматтарға алғыс білдірді.

«Үштілділік – заман талабы»

Жамбыл аудандық бөлімше тыңдаушыларының

эссе  жазу байқауының

МӘЛІМЕТІ

«Тілдерді оқыту орталығы» Жамбыл аудандық бөлімшесінде «Қазақстан халқы тілдері күні» мерекесіне орай, 2018 жылдың 14 қыркүйегі күні сағат 12-00 де бөлімше тыңдаушылары арасында «Үштілділік  – заман талабы» эссе жазу байқауы өткізілді. «Үштілділік-заман талабы» тақырыбындағы эссе жазуға байқау шартына сәйкес алдын ала өтініш берген 12 тыңдаушылар толық қатысты.

Байқаудың мақсаты – «Тілдерді оқыту орталығы» Жамбыл аудандық бөлімшесі тыңдаушылары арасынан үштілділікті қолдайтын, мемлекеттік тілдің мәртебесін көтеретін тыңдаушыларды анықтау, қолдау, марапаттау, олардың кәсіби әлеуетін дамыту болып табылады.

Байқаудың міндеттері:

  • Мемлекеттік тілдің мәртебесін арттыру, беделін көтеру;
  • Үштұғырлы тілді насихаттау;
  • Этнос өкілдерінің қазақ тілін оқып-үйренуін ынталандырып,   қызығушылығын арттыру.

Байқауды аудандық филиалдың оқытушысы Ж.Қаппарқызы құттықтау сөзбен ашып, байқауға қатысушыларға байқаудың ережесімен, эссеге қойылар талаптармен тағы бір таныстырып өтті.

Эсседе тыңдаушылар «Қазіргі уақытта көп тілді білу-өмір қажеттілігі, осы қажеттілік негізінде көптілділік пайда болып қалыптасатындығын атап өткен.  Елбасы өзінің « Жаңа әлемдегі –жаңа Қазақстан» атты жолдауында: «Қазақстан халқы бүкіл әлемде үш тілді пайдаланатын мәдениетті ел ретінде танылуға тиіс» екендігін келтірген.

Байқауға қатысушылардың жұмыстарын саралау мақсатында «Тілдерді оқыту орталығы» Жамбыл аудандық бөлімше меңгерушісі мен бөлімше оқытушылары М.Мәмбетбаева, Ж.Байлиева сарапшылық кеңесті құрады.

Сарапшылық кеңестің шешімі бойынша:

1-орын Мамбеталиева Жания

2-орын Абдрахманова Мадина

3-орын Ибрагимова Асия

Қорытынды сөзді бөлімше оқытушысы М.Мәмбетбаева  сөйледі.

Ол: қазақ тілі –мемлекеттік тіл, орыс тілі-ұлтаралық қатынас тілі және ағылшын тілі –жаһандық экономикаға кіру тілі екендігін атап өтті. Байқау соңында жеңімпаздар марапатталды.

Өзге ұлт өкілдерінің мемлекеттік тілді меңгеруіне қолдау көрсету және қызығушылығын арттыру мақсатында Жамбыл облысы әкімдігі тілдерді дамыту басқармасының «Тілдерді оқыту орталығы» Жуалы аудандық бөлімшесінде ү.ж. 18 қазан күні «Жақсы сөз – жанға қуат» тақырыбы аясында тренинг ұйымдастырылды.
Тренингте озық технологияларды пайдалану арқылы өзге ұлт өкілдері мемлекеттік тілді меңгеруде белсенділіктерін танытты.

Дүй Сей Сәр Бей Жұм Сен Жек
 12
3456789
10111213141516
17181920212223
24252627282930
31