Жаңалықтар

«ТІЛІМ МЕНІҢ – ТІРЕГІМ» АТТЫ АШЫҚ САБАҚ ӨТТІ

Тілдерді оқыту орталығының Байзақ аудандық бөлімшесі Қазақстан халқы тілдері күніне орай тіл мәдениетін көтеру, тілдердің қолданыс аясын кеңейту мақсатында «Теремок» балабақшасының өзге ұлт өкілдері тәрбиешілерінің қатысуымен «Тілім менің – тірегім» тақырыбында ашық сабақ ұйымдастырды.
Қатысушылар өздерін мемлекеттік тілде таныстырып, «Қазақстан қыран далам» әнін шырқап, «Сөз қадірі» тақырыбында көрініс көрсетті.
Сонымен қатар, Байзақ аудандық бөлімшесінің оқытушысы Жансая Төлеушова сабақ барысында тыңдаушыларға «Жүректен жүрекке» тренингісі мен «Сиқырлы қалпақ» ойынын ұйымдастырып, тіл туралы мақал-мәтел, жаңылтпаштар айтқызып жарыстырды.
Белсенділік танытқан тіл үйренушілер ынталандыру сыйлықтарымен марапатталды.